Manifestazio hau Bilbon apirilaren 1ean egin zenaren ildo berean kokatu dute, nahiz eta oraingoan orduan izan ziren eragile politiko eta sindikal batzuek deialdiarekin bat egin ez duten. Oraingoan, besteak beste, Batasuna, LAB, Hiru, Matalaz, AEK, IKA, ABK, EHE, Bilgune Feminista, Eguzki, Segi, Gernika Batzordea, Komite Internazionalistak, Kontseilua, Esait daude deialdiaren atzean. Aitzitik, aurrekoan egon ziren beste batzuek –Aralar, EA, AB, Zutik, ELA eta ESK– erabaki dute parte ez hartzea ekimenean.
Iruñean, ekainaren 17rako deitutako manifestazioarekin deitzaileek “elkarrizketaren tresnaren aldarria egin eta Konponbiderako Mahaiaren sorreraren aldeko bidean ekarpena” egin nahi izan dute, adostu duten agirian nabarmentzen dutenez.
Politika
Konponbiderako mahaia eskatzeko manifestaziora deitu dute Iruñean
‘Konponbiderako Mahaia orain! Euskal Herria-Erabakia-Adostasuna’ goiburuko manifestaziora deitu dute 36 eragilek. Manifestazioa Iruñean izango da, hilaren 17an, larunbatarekin, arratsaldeko 18:00etan, Golem zinetokietatik abiatuta. Deitzaileen ustez, “Konponbiderako Mahaia eratzeko baldintzak daude”. Besteak beste, eragileen arteko harreman dinamika zabala, ETAren su-etena, nazioarteko hainbat forotan jasotasko babesa eta herritarren atxikimendua aipatu dituzte deitzaileek mahaia orain osatzeko baldintzen artean.
Iruzkinak
Ez dago iruzkinik
Ordenatu
