Kontrako norabidean zihoan gidari bat atxilotu dute Iruran

IRURA. Ertzainek gizonezko bat atxilotu zuten herenegun iluntzean Iruran (Gipuzkoan), N-1 errepidean kontrako norabidean joateagatik. Hamar kilometro inguru egin zituen debekatutako bidean, gerarazi zuten arte. Testa egin zioten, eta alkohol gehiegi edanda gidatzen ari zela ikusi ahal izan zuten ertzainek; aditzera eman dutenez, baimendutako alkohol maila hiru bider gainditu zuen.