Norvegiako enbaxadak Bilboko Udaletxean elkartasun deialdia egin du, Oslon eta Utoyan egindako sarraskietako biktimak oroitzeko.
Biktimak omenduko dituzte kontzentrazioan, eta baita senideei, lagunei eta zaurituei elkartasuna adierazi ere.
12:00etan bilduko dira Udaletxeko eskaileretan.
Bertan izango dira, besteak beste, Norvegiako enbaxadako idazkari nagusi Solveig Verheyeleweghen, eta Norvegiako kontsul Luis Cañada Vicinay.
Bilduk komunikatua bidali du, kontzentrazioarekin bat eginez eta biktimei doluminak helaraziz.
