Korrikaren azken pausoetarako dena prest dute Bilbon

Jai handi batekin amaituko da Korrika igandean, Bilbon; orotariko ekitaldiak izango dira Areatzan eta inguruetan, sei gunetan banatuta. Lekukoari 12:30ean egingo diote ongietorri, San Nikolasen, eta, han egingo den ekitaldia amaituta, egun osoan izango da zerekin gozatua. Kontzertuak izango dira (Anje Duhalde, Betagarri, Ze Esatek...), euskal produktuen dastaketak, dantza, antzerkia eta bestelakoak.