Korsikako Femu a Corsica mugimendu abertzaleko Jean Christophe Angelini eta Gilles Simeoni hautagaiak Frantziako Legebiltzarrean sartzeko aukerekin lehiatu dira bigarren itzulian, baina biak aulkirik gabe geratu dira.
Porto-Vecchioko barrutian Angelinik %46,8ko babesa lortu du —14.121 boto—, baina M. Camille De Rocca Serra UMPkoak %53,2koa —16.053 boto—.
Bastiako barrutian Simeonik %31,2ko sostengua izan du —10.906 boto— eta bigarren geratu da, baina M. Sauveur Gandolfi-Scheit UMPkoak %38koa —13.297 boto—. RDGko M. Jean Zucarelli ere lehia izan, eta hirugarren geratu da: %30,7, 10.728 boto.
Korsikako ordezkari abertzaleak Parisko Legebiltzarrean egoteko lehen aukera zen, eta alderdi abertzaleek bat egin dute. Corsica Libera alderdiak Femu a Corsicako bi hautagaien aldeko botoa eskatu du.
Bi alderdi abertzaleek ordezkapen zabala lortu zuten Korsikako Parlamentuan 2010eko bozetan; botoen %36 eskuratuta, legebiltzarreko 54 diputatuetatik 16 abertzaleak dira Korsikan.
