Emakume Hautetsien Batzarrean Arabako, Bizkaiko eta Gipuzkoako 200 hautetsi baino gehiago bildu dira Gernikako Batzar Etxean (Bizkaia) larunbat honetan eginiko ekitaldian. Taldea sortu zutenetik eginiko bigarren bilera izan da, eta alderdi guztietako ordezkariek parte hartu dute.
Ekitaldi instituzionalean, dei egin dute kristalezko sabaia deiturikoa “haustera”, eta erakundeei eskatu diete politika publikoak garatzeko genero indarkeria amaitzeko, lana eta familia kontziliazioa errazteko eta gizon eta emakumeen soldaten arteko arrakalak desagerrarazteko.
Emakume Hautetsien Batzarrak Edurne Pasaban mendizalea saritu du; gogoratu dute bera izan dela hamalau 8.000koak igo dituen lehen emakumea.
