KRISTINE BOSQUE OROIMENEAN

Emakumeen Mundu Martxako Plataformak deituta, elkarretaratzeak egin ziren atzo, ustez senarrak itota Arbonan (Lapurdi) hildako Kristine Bosqueren heriotza salatzeko. Bilbon, Arriaga plazan egin zen protesta. Hara bildutakoek gehiagorik ez izateko eskatu zuten. Bihar Baionan salatuko dute Bosqueren heriotza, 18:00etan, Porneu eta Bernede kaleen arteko kantoian. Bosque aurten genero indarkeriagatik hildako zazpigarren emakumea da Euskal Herrian.