Kutxa automatiko bati su eman diote Barakaldon

Bart gauerdian su eman diote Euskadiko Kutxaren kutxa automatiko bati Barakaldoko (Bizkaia) Arteagabeitia kalean. Jaurlaritzako Herrizaingo Sailak agertu duenez, 00:15 aldera gertatu da erasoa, norbaitzuk kutxa automatikoa likido sugarriarekin busti eta su eman diotenean. Hala ere, kalteak "txikiak" izan direla agertu du Herrizaingo Sailak, ertzainek segituan itzali dutelako.