Kutxako akzioak erakunde publikoen esku uzteko proposamena Eusko Legebiltzarrean eztabaida dadin nahi du EH Bilduk. Unai Urruzuno eta Xabier Isasi koalizioko legebiltzarkideek proposamen hori azaltzeko deia egin diote Martin Garitano Gipuzkoako ahaldun nagusiari.
Gainerako alderdiei proposamena eztabaidatzeko eskatu diete, eta ez dezatela "lapurtu" planteatutako eztabaida. Uste dute aldundiak mahai gainean jarri duena "posible eta legezkoa" dela. Oposizioarentzat, ez du "ez hanka ez bururik".
Xabier Iturbe Kutxako buruarekin bildu da Garitano, proposamena azaltzeko. Jakinarazi dio "berme juridiko osoa" duela eta "erabat legezkoa eta egingarria" dela.
