LAB-EKO ORDEZKARIAK 'BERRIA'-N

LAB sindikatuko ordezkariak izan ziren atzo BERRIAren egoitza nagusian, Andoainen, Gipuzkoan. Egunkariko sailetako arduradunekin eta Berria Taldeko ordezkariekin bildu ziren, hainbat gairi buruz hitz egin zuten. Kazetaren erredakzioa bisitatu zuten ondoren. Sindikatuaren ordezkari, Ainhoa Etxaide idazkari nagusia eta Sonia Gonzalez eta Maider Jauregi izan ziren Andoaingo egoitzan;Berria Taldetik, berriz, Martxelo Otamendi, Joanmari Larrarte eta Joxean Lizarribar.