Alta, apaltzea hedabideen atalean pairatu da, sistematikoki. Ipar Euskal Herriko Hitza-k 24.000 euro jasoko ditu aurten, iaz baino mila gutxiago, Kazeta.info-k bezala. Kanaldudek 67.200 euro, iaz baino 2.800 euro gutxiago; Herria-k 40.800 euro, iaz baino 1.700 euro gutxiago. Orotara, 6.500 euro gutxiago jasoko dituzte euskal hedabideek.
Kopuruak kontuak harturik, begi bistakoa da jasotako laguntzak "sinbolikoak" direla. Euskal hedabideek salatu dute aski larria dela laguntza sinboliko hori gehiago apaltzea eta larriagoa oraindik, EEPk ez duela ireki nahi hizkuntza politikan onartu zuen hedabideen atala. Hizkuntza politikaren erabilpen arloan izaera estrategikoa aitortzen zaie euskal hedabideei, baina, errealitatean, kontrako bidea hartzen du EEPk, laguntzak murriztuz krisi garaian.
