Eusko Jaurlaritzatik gizarte laguntza jaso nahi duenak zailagoa izango du aurki, baldintzak gogortu egingo dituelako Jaurlaritzak. Hala, eskatzaileak bere herriko udaletxean azkeneko hiru urtean erroldatuta egon beharko du —lehen batekoa zen baldintza—. Baldintza hori betetzen ez duenak, frogatu beharko du gutxienez bost urtean Espainiako Estatuan bizitza laborala izan duela.
PSE-EEk eta PPk akordioa lortu dute, eta Gemma Zabaleta Jaurlaritzako Lan eta Gizarte Gaietarako sailburuak esan du "iruzurra bukatu" nahi dutela egitasmo horrekin eta jendea "modu aktiboan lana bilatzera" bultzatu nahi dutela.
Urtarriletik aurrera Lanbidek kudeatuko ditu laguntza sozial horiek.
