Lan hitzarmen duina eskatu dute Ariznabarrako langileek

GASTEIZ. Arabako Foru Aldundiaren «gaitasunik eza» salatu zuten atzo Ariznabarra zaharren etxeko langileek. 31 hilabete daramatzate greban, eta lan gatazka konpontzeko eskatu dute. Langileen arabera, aldundiaren esku dago egoera konpontzeko giltza ematea; oraingoz, ordea, huts egin dute egoitzaren kudeaketaren gaineko negoziazioek.