Arlo sozioekonomikoa euskalduntzea da Bai Euskarari Ziurtagiriaren elkartearen xedea; eta arlo horretan euskara sustatzen duten erakunde eta pertsonak saritzen ditu urtero, Bai Euskarari sariekin. Laneki Lanbide Heziketarako euskarazko ikasmateriala sortzeko elkarteak jaso du lehen saria. Besteak beste, lantokiko terminologia sortzen edo euskaratzen aritu dira azken urteotan. Bigarren saria Zugarramurdiko Sorginen Museoa eta Lezeak jaso du.
Mikel Lezamizi eman diote Bai Euskarari Laguna saria, lan mundua euskalduntzeko egindako lanagatik. Kooperatibagintzan aritutakoa da Lezamiz, eta Mondragon Korporazioko Hedapen Kooperatiboko arduraduna eta euskara koordinatzailea izan da azken urteotan.
