Hitzez esandakoa idatziz jasotzeko eskatu die behin eta berriz sindikatuek Adegiri. Sindikatuen iritzian, nahiko gai utzi dira alde batera, gaixo agirien ordainen puntua ere baztertzeko. Patronalari "harropuzkeriaz" jokatzea leporatu die, eta langileak indartsu daudenez, hausnarketa egiteko eskatu.
Lehen egunean bezala, negoziaketarekin sinesten dutela azaldu dute sindikatuek, eta horretan jarraituko dutela azpimarratu. Baina, greban jarraitzeko prest daudela argi eta garbi azaldu nahi izan dute.
Seietan hasita egiten ari diren bileran,gaixo agirien ordain sariaren puntua jasotzeko eskatzeko asmoa zuten sindikatuek.
Gipuzkoako eraikuntzako greba
Langileen iduriko, onartezina da Adegiren azken proposamena
Gipuzkoako eraikuntzako langileek ez dute onartu Adegi patronalaren azken proposamena, hain zuzen ere, gaixo agirien ordainen gaia kanpoan utzi duelako. Goizean batzarrak egin dituzte langileek, eta grebari eustea erabaki dute. Nolanahi ere, arratsaldeko seietatik bilera batean dira Adegiko buruak eta sindikatuetako ordezkariak.
Iruzkinak
Ez dago iruzkinik
Ordenatu
