Kaleak "laranjaz margotzera" deitu zituzten herritarrak, eta hala gertatzen ari da Euskal Herriko hainbat txokotan. Epaiketa politikoen aurka eta eskubide zibil eta politikoen alde prestatu dute asteburu laranja. Irailaren 22tik aurrera beste 28 gazte epaituko ditu Espainiako Auzitegi Nazionalak, Segiko kide izatea egotzita.
Asteburu laranjarekin bat egin duten herrien artean daude Astigarraga, Bergara, Atarrabia, Sestao, Portugalete... Ostiralean hasitako egitarauak jarraipena du. Iruñean, esaterako, Libre hitza zeraman mural bat osatu zuten atzo herritarrek, eta herri kirolak izan zituzten jarraian.
Gasteizko Harresiak haurrentzako jolasak antolatu zituen arratsalderako Andre Mari Zurian; Donostian, berriz, manifestazioa egin dute gaur.
