Larri zauritu da pertsona bat auto istripu batean

MENDARO. 39 urteko gizonezko bat larri zauritu zen atzo A-8 autobidean, Mendaro (Gipuzkoa) parean izandako errepideko istripuan. Ezbeharra 13:00etan gertatu zen, Bilborako noranzkoan zihoazen kamioi batek, furgoneta batek eta auto batek talka egin zutenean. Furgonetako gidaria suhiltzaileek atera behar izan zuten ibilgailutik, eta Donostiako Ospitalera eraman zuten, larri.