Iratxe Urizarrek, Giza Eskubideen Behatokiko kideak, eta Txerra Bolinagak, Eleak mugimenduko bozeramaileak hartu dute hitza. Larunbateko mobilizazioan sektore, sentsibilitate, sinismen eta ideologia askotako herritarrak bilduko direla azpimarratu dute. Espetxe politikaren aldaketan aurrera urratsak eman, giza eskubide guztiak errespetatu eta konponbidea eta bakeari jendartean bultzada emateko.
“Siglen gainetik, pankarta honen atzean euskal jendarte osoak du lekua”, adierazi du Urizarrek. Frantzia eta Espainiako Gobernuek mantentzen duten itxikeria eta blokeoarekin amaitzeko, “herritarren aktibazioa” eta “mobilizazioa” ezinbestekoak direla nabarmendu du. “Ziur gaude larunbatean Bilboko kaleetan argi geratuko dela euskal jendartearen gehiengo handi batek sakabanaketaren amaiera, 197/2006 doktrina bertan behera geratzea eta gaixo dauden presoen askatasuna aldarrikatzen duela”.
Goizetik, Bilboko Areatzan zein Alde Zaharrean, egitarau oparoa izango dela gogorarazi dute, eta baita herriz herri autobusak antolatu direla. Hartara, mobilizaziora antolatutako autobusetan etortzeko, edota garraio publikoa erabiltzeko gomendioa egin diete herritarrei.
Euskal Presoak
Larunbateko mobilizaziora joateko azken deia egin dute hainbat eragilek
Herrira mugimenduak urtarrilaren 12ko Herri Mobilizazio Orokorraren aurreko azken agerraldia egin du gaur goizean Bilboko udaletxe parean. Giza eskubideak. Irtenbidea. Bakea. Euskal presoak Euskal Herrira pankartaren atzean, hainbat gizarte eragile eta norbanako bildu dira, Herrirako kide eta mobilizazioaren sustatzaileekin batera.
Iruzkinak
Ez dago iruzkinik
Ordenatu
