Larunbatetik desagertuta dago Angeluko emazte bat

ANGELU. Angeluko (Lapurdi) 47 urteko emakume bat desagertuta dago larunbataz geroztik. Poliziaren arabera, larunbatean, 20:00ak eta 21:30 artean, Baionatik Miarritzera doan bidea egin zuen desagertuak, eta geroztik ez da haren berririk. Emakumearen autoa Miarritzeko itsasargiaren ondoan topatu dute, eta Polizia lekukoen bila ari da kasua argitzeko.