Lau autok elkar jo, eta gizon bat hil da A-8an, Zornotzan

ZORNOTZA. 35 urteko gizon bat hil zen herenegun auto istripuz A-8 autobidean, Zornotza parean (Bizkaia). Eusko Jaurlaritzako Herrizaingo Sailak emandako datuen arabera, 21:10 inguruan izan zen errepide ezbeharra, Donostiarako bidean. Lau autok elkar jo, eta ibilgailuetako bateko gidaria han bertan hil zen. Gainera, beste bi lagun zauritu egin ziren. Zaurituak artatu, eta ibilgailuakbidetik kendu arte, errepidea itxita geratu zen. Ertzaintza istripua zerk eragin zuen ikertzen ari da.