Lau gizon atxilotu dituzte, emakumeei eraso dietelakoan

Hiru gizonezko atxilotu ditu Poliziak azken orduetan, emakumeei eraso egitea egotzita. Gasteizen atxilotu dituzte hiru: bat bikotekide ohiaren etxera indarrez sartzen saiatu zen —urruntzeko agindua zeukan—, eta andreari laguntzera joan zen gizon bati eraso zion; beste batek urruntzeko agindua hautsi zuen; eta hirugarrenak kalean emakume bati eraso eta zauriak eragin zizkion. Bilbon, gizon batek ustez bi aldiz eraso dio andre bati; gizonaren jabetzako gela batean alokairuan zegoen andrea, eta erasotzaileak labana batekin egin zion eraso. Bestalde, gizon batek bikotekide ohiaren egungo bikotekideari eraso zion Bilbon: hautsitako botila batekin lepoan egin zion zauria, eta erietxera eraman zuten zauritua.