Azkeneko orduetan, Gipuzkoan bi gizon atxilotu dituzte, eta Bizkaian beste bi, bikotekideei eraso egin dietelakoan.
Donostian, 33 urteko gizonezko bat atzeman dute, emakumea kolpatu eta eskaileretatik behera bultzatzea egotzita. Biktima haurdun dago. Aretxabaletan, berriz, 34 urteko bat atxilotu dute, bikotekidea ustez labanaz mehatxatzeagatik.
Bilbon, 49 urteko gizon bat atxilotu dute. Akusazioa: bikotekidea jotzea; biktima lo zegoen. Eta Barakaldon 37 urteko bat atzeman dute, neska-lagun ohia jo egin duelakoan.
