Bilbon Boluetako Santa Ana kalean lau gizonek emakume bat bortxatu dute gaur goizeko zazpietan, Ertzaintzak jakinarazi duenez. Emakumeari lau gizonek ezustean eraso egin eta horietako bik labanaz mehatxu egiten zioten bitartean beste biek biktima bortxatu dute, Ertzaintzaren arabera. Emakumea Barakaldoko (Bizkaia) Gurutzetako Ospitalera eraman dute.
Ustezko erasotzaileetako bi eguerdiko ordubiak aldera atxilotu dituzte Bilboko Alde Zaharrean. Horiek aurpegian atzamarkadak zituzten, emakumeak erasoa ekiditeko egin dizkienak, ertzainen arabera.
Erasoa aztertzeko eta erasotzaileak atxilotzeko ikerketa abian jarrri dute ertzainek.
Etzi 19:00etan Bilboko Santutxu auzoan emakumeari egindako sexu erasoa gaitzesteko manifestazioa egingo dute Bilboko Koordinakunde Feministak deituta.
emakumeen aurkako indarkeria
Lau gizonek emakume bat bortxatu dute Bilbon
Ustezko erasotzaileetako bi Bilboko Alde Zaharrean atxilotu dituzte. Gaur goizaldean gertatu da erasoa, Boluetako Santa Ana kalean. Erasoa gaitzesteko manifestazioa egingo dute etzi.
Iruzkinak
Ez dago iruzkinik
Ordenatu
