Goizaldean lau ibilgailu erre dira Bilbon, Kastrexana eta Zorrotza artean, ezusteko sute batean. Horietako bi erabat kiskalita geratu dira, eta beste biek kalte materialak izan dituzte. Inguruan dagoen garaje bateko atean ere kalteak eragin ditu suak.
Eusko Jaurlaritzako Herrizaingo sailetik azaldu dute lau ibilgailuak aparkatuta zeudela. Ibilgailu horien artean karabana bat eta Bizkaiko Foru Aldundiaren auto bat zeudela azaldu dute iturri berdinek.
