Lau lagun erietxean daude, onddo pozoidunak janda

BARAKALDO. Lau pertsona erietxeratuta daude Gurutzetako Ospitalean (Barakaldo, Bizkaia), Amanita Phalloides onddoak pozoituta. Ospitaleak berri eman duenez, 79 urteko andre bat dago larrien: gastroenteritis larria eta gibeleko eta giltzurrunetako arazoak ditu. Harekin batera joan ziren erietxera 44 urteko andre bat eta 50 urteko bi gizon; haiek gibelean dute arazoa.