Lau lagun zauritu dira Gueñesen, furgoneta bat bidetik aterata

Goizeko seiak hamar gutxi aldera furgoneta bat bidetik atera da BI-636 errepidean, Gueñes (Bizkaia) parean, Bilborako noranzkoan. Ondorioz, barruan zihoazen lau lagunak zauritu dira. Gainera, haietatik bi suhiltzaileek atera behar izan dituzte furgonetaren hondakin artetik. Barakaldoko Gurutzetako erietxera eraman dituzte lauak. Haien egoerari buruzko berri zehatzik ez du eman Jaurlaritzako Herrizaingo Sailak.