Santa Anastasia festetan murgilduta daude egunotan Urretxun (Gipuzkoa), eta jaietako jolas gunean gertatu zen atzo istripua, 17:00 aldera: 4 urteko haur bat barraka batetik erori, eta kolpea hartu zuen.
Ezbeharraren tokira joan ziren Ertzaintza eta osasun zerbitzuetako beharginak, eta haurra larri zaurituta eraman zuten Donostia ospitalera; zainketa intentsiboetako unitatean dago oraindik. Atzo gauean egindako lehen azterketaren arabera, Urretxuko Udalak ez du "anomalia teknikorik" antzeman barraka horretan.
