Lavanderaren hilketagatik zigor handiagoa nahi dute

IRUÑEA. Asier Lavandera gaztearen hiltzailearentzat orain artekoa baino zigor handiagoa eskatu du fiskalak: hemezortzi urteko espetxe zigorra galdegin du, orain artekoa baino lau urte gehiago. Frogatutzat jo du akusatuak gaztea hil nahi izan zuela. Akusazio partikularrak 25 urteko espetxealdia eskatu du. Defentsak hiltzailea bi urte eta erdiz zentro batean sartzea nahi du.