Lege mailako Espainiako arauak euskaraz kaleratuko dituzte BOEn

GASTEIZ. Espainiako Presidentetzaren Ministerioak eta Eusko Jaurlaritzak sinatuko duten akordio baten bidez, Espainiako Estatuan adosten diren lege mailako arauak euskaraz kaleratuko dituzte BOE Estatuko Aldizkari Ofizialean. Hitzarmenaren oinarrian 1997ko dekretu lege bat dago, hain zuzen ere, Espainiako erregeak onetsi eta BOEn argitaratutako legeak beste hizkuntzetan itzultzeko aukera dagoela dioena.