Eusko Legebiltzarrean autogobernuari buruz osatu den lantaldean 37 politikari eta adituk euren iritzia ematea eskatu dute alderdiek. Horien artean egongo dira Juan Jose Ibarretxe, Jose Antonio Ardanza eta Patxi Lopez lehendakari ohiak eta Arnaldo Otegi. Gaur bildu da lantaldea alderdiek egindako eskaerak aztertzeko, eta 34 onartu dituzte jada; beste hiru baieztapenaren zain daude, agenda arazoak tartean.
Horiez gain, Zientzia Politikoetako eta Ekonomiako katedradun eta adituen iritziak ere eskatu dituzte alderdiek, baita Kataluniakoak, Eskoziakoak eta Erresuma Batukoak ere.
Agerraldiak maiatzaren 28an hasiko dira, eta uda arte iraungo dute. Jone Berriozabal lantaldearen koordinatzaileak antolatuko ditu lehen seiak. Arnaldo Otegiren iritzia eman ahal izateko, Logroñoko espetxetik atera ahal izateko baimena eman diezaiotela eskatuko du legebiltzarrak. Hori posible ez balitz, lantaldearen ordezkaritza bat espetxera joatea eskatuko du EH Bilduk.
Horrekin batera, PPk independentziak izango lukeen kostuaz txosten bat egiteko eskatuko dio Mariano Rajoyri.
