Goizeko 08:25 zirenean eman dute abisua eta arduradunak berehala hasi dira ordu horretan Lekeitioko Iturriotz institutuan zeudenak ateratzen. Segurtasun Sailak argitu duenez, ez da zauriturik izan.
Isuria eraikinaren kanpoaldean izan da. Bertan dira udaltzaingoa, Ertzaintza eta gasa hornitzeaz arduratzen den enpresako langile bat. Lerro hauek idazteko unean ikasle eta irakasleek kanpoan jarraitzen zuten.
