Lezamako tren geltokiko txartel makinak hondatu dituzte su emanda

Lezamako (Bizkaia) Euskotrenen geltokiko bi makina hondatu dituzte bart, su emanda. Jaurlaritzako Herrizaingo Sailak agertu duenez, 23:20 aldera gertatu da erasoa: geltokiko tresneria likido sugarriarekin busti dute zenbait lagunek, eta, ondoren, su eman diote. Ondorioz, txartelak saltzeko makina bat eta txartelak balioztatzeko beste bat hondatu dituzte. Suhiltzaileek itzali dute sutea.