Koldo Aparicio Basauriko presoa libre geratu da gaur goizean espetxean hemezortzi urte igaro eta gero, Getxotik Aske Twitter kontutik jakinarazi dutenez. Sevilla II kartzelan izan da Aparicio, eta presondegi horretako tratu txarrak eta bizi-baldintzak salatzeko gose greban dauden euskal presoetako bat da Aparicio.
Iker Agirre, Gurutz Agirresarobe, Koldo Aparicio, Asier Arzalluz, Juan Mari Etxebarri, Garikoitz Etxeberria, Jesus Goikoetxea, Manuel Gonzalez, Juan Lorenzo, Roberto Lebrero eta Urtzi Paul izan ziren grebari ekin ziotenak. Baraualdiaren 27. eguna dute gaur.
Preso horien osasun egoeraz kezka azaldu dute. Gaur, manifestazioa egingo dute Iruñeko autobus geltoki zaharretik abiatuta (17:00). Sevilla II espetxeko bizi-baldintzak salatuko dituzte Euskal presoen eskubideak errespetatu lelopean.
