Antza denez, Israelgo Armada Nabulusen sartu da gaur goizean 30 noranahiko ingururekin. Beraien helburua hainbat ekintzaile palestinar atxilotzea zen eta azkenean, Palestinako segurtasun iturrien arabera, ustez susmagarriekin harremana duten lau emakume atxilotu dituzte.
Era berean, 19 urteko palestinar gazte bat atxilotu dute Nabuluseko kontrol postu batean. Israelgo Armadako iturrien arabera, gazteak lehergaiak zeramatzan gainean.
Diputatuen helegitea
Herenegun Israelgo hiriburuan, Tel Aviven, Jihad Islamikoko ekintzaile batek eginiko eraso suizidari erantzunez, besteak beste, Hamaseko hiru diputaturi Jerusalemen bizitzen jarraitzea eragotzi die Tel Aviveko gobernuak, haien egoitza eskubideak galarazita. Gaur, erabaki horren aurka helegitea jartzeko aukera aztertzen ari direla adierazi dute Hamaseko hiru diputatuek eta Palestinako Gobernuko ministro batek.
ekialde hurbila
Liskarrak izan dira Zisjordanian Israelgo soldaduen eta palestinarren artean
Negar gasak eta gomazko pilotak jaurti dituzte gaur soldadu israeldarrek ehunka palestinarren aurka. Nabulusen hirian (Zisjordania) izan dira istiluak; palestinarrek harriak bota dizkiete soldaduei. Lekukoen arabera bi palestinar zauritu dira liskarretan.
Iruzkinak
Ez dago iruzkinik
Ordenatu
