Sartagudako 26 urteko gazte bat hil da gaur, errepidean istripua edukita. Auto batek kamioi bat jo du, Lizarra eta Andosilla arteko NA-122 errepidean (Nafarroa); 28. kilometroaren inguruan gertatu da ezbeharra, bihurgune batean.
Kamioiaren gidaria Lizarrarako noranzkoan zihoan, eta ez du zauri larririk egin. Autoaren gidaria, berriz, Andosillarako bidean zihoan; hura hil da. Istripua nola gertatu den ikertzen ari da Guardia Zibila.
