Atzo arratsean Iruñerrian ibili ondotik, 17. Korrikak gaur Nafarroan segitzen du eta 10:45 aldera Lizarrara heldu da. Jendetzak hartu du euskararen aldeko lasterketa han ere. Une batez, Lizarrako Kale Nagusiko tartea korrika ez, baizik eta oinez egin behar izan dute partaideek, karrikan ez zirelako kabitzen.
Oihuen artean, Lizarrako alkate Begoña Ganuzari (UPN) zuzendutakoa aipatu behar: Begoña, entzun, Lizarra euskaldun.
Arratsaldean, besteak beste, Lodosan eta Andosillan ibiliko da Korrika. Gauean, Martzillan, Cadreitan... Bihar goizeko lauretan Tuterara helduko da, eta 11:00etan Tafallara.
Gaur Bartzelonan ere egin dute Korrika.
