Lokarrik bat egin du gaur etzi Bilbon Bateragune auziaren epaiaren kontra protesta egiteko deitu duten manifestazioarekin. Ohar batean salatu duenez Otegi, Diez, Zabaleta, Rodriguez eta Jacintoren aurkako zigorra "onartezina da" Zuzenbide estatu batean.
Jarduera politikoa bategatik zigortu dituztela dio Lokarrik, eta jarduera horrek ezker abertzalean estrategia berri bat bideratzea zuela helburu. Gainera, ezker abertzalea "modu argian, behin eta gehiago eta zalantzarik gabe" indarkeriatik urrundu dela adierazi duela azpimarratu du, "baita ETArenetik ere".
Euskal gizarteak elkarbizitza artikulatu behar duela dio oharrean, eta pertsona guztiek euren jarduera politikoa askatasunean eta segurtasunez garatzeko bermea izan behar dutela. Horregatik dei egin dio Lokarrik gizarteari larunbateko manifestazioan parte hartzera.
