Politikagintzan aritu aurreko jardun profesionalera itzuliko da Lourdes Goikoetxea Nafarroako Ekonomia, Ogasun, Industria eta Enplegu kontseilaria.
Gobernu kontseiluaren osteko agerraldian eman du erabakiaren berri: "Zortea da bizitzako urte batzuk komunitatearen alde lanean aritzeko aukera izatea". Ekonomikoki nahiz politikoki urte "oso zailak" izan direla azaldu du, baina "maila pertsonalean ere balorazio positiboa" egin du.
Gobernuko kide izateko aukera emateagatik, Yolanda Barcina Nafarroako Gobernuko presidenteari eman dizkio eskerrak. Bere burua "triunfalistatzat" ez duen arren, adierazi du datuek erakusten dutela urteotan hartutako erabaki "gogorrak" onak izan direla krisi ekonomikoari aurre egiteko.
