Etxetik kanpo pasa dute gaua Eskoriatzako (Gipuzkoa) Aranburuzabala kalean atzo goizean luiziak harrapatu zuen eraikineko bizilagunek, 24 familiak. Horietatik 15 familitako kideek hoteletan pasa dute gaua, eta gainerakoek, senitartekoen etxeetan. Ez dakite, ordea, noiz itzuli ahal izango duten etxera. Jaurlaritzako eta Diputazioko teknikariek azterketa gehiago egiteko zain daude erabakiak hartzeko.
Nolanahi ere, guztiek susto itzela hartu zuten atzo goizean, zortziak inguruan etxe atzeko mendian luizia gertatu eta eraikina basatzak hartu zuenean. 26. atariko lehen pisuko etxebizitza bat guztiz hartu zuten lohiak eta harriak, eta ia-ia azpian harrapatu zuen bertan zegoen pertsona bat. Hala ere, inor ez zen zauritu.
Bizilagunek salatu dute lehenago ere izan dituztela luiziak, eta arazoa atzetik datorrela. Pedro Lasagabaster alkateak dena konpontzeko borondatea adierazi du.
Informazio gehiago =l Goiena.net==http://goiena.net/eskoriatza/albisteak/gaur-jakingo-dute-bizilagunek-etxera-bueltatu-ahal-izango-diren-edo-ez=-en.
Ezbeharra
Luiziak harrapatutako Eskoriatzako bizilagunek ez dakite noiz itzuli ahal izango duten etxera
24 familia bizi dira atzo goizean lurjauziak erasandako eraikinean. Jaurlaritzako eta Gipuzkoako Diputazioko teknikariek azterketak egiteko zain daude erabakiak hartzeko.
Iruzkinak
Ez dago iruzkinik
Ordenatu
