Estremeratik Puerto III espetxera urrundu dute Arantza Zulueta abokatua, Alfonso Zenon Zuluetaren abokatuak jakinarazi duenez. Zenonen arabera, Espainiako Espetxe Zuzendaritzak Zuluetari jakinarazi dio hura urruntzeko asmoa, hori noiz izango den zehaztu gabe.
Zenonek azaldu du ez dituela Espetxe Zuzendaritzak emandako argudioak xehetasunez ezagutzen, baina, iragarri duenez, ETArekin lotura izaten jarraitzea egotzita urrunduko dute Zulueta. Ostiralean eskatu zion Zenonek Auzitegi Nazionalari urrutzea eteteko, argudiatuta erabaki horrek "defentsarako eskubidea urratu" egiten duela. Haren esanetan, presoa "mila kilometrora aldentzea defentsa lana oztopatzea da".
Urtarrilaren 8an atxilotu zuten Zulueta, EPPK Euskal Preso Politikoen Kolektiboko bitartekaritza taldearen kontra eginiko polizia operazio batean.
