Eusko Jaurlaritzako Ingurumen sailburu Ana Oregi, Espainiako Gobernuko Sustapen ministro Ana Pastor, eta Azpiegitura eta Planifikazio zuzendari Rafael Catala bildu dira gaur Madrilen. Bileraren ostean Oregik jakinarazi du "gustura" atera dela bertatik, eta azpiegitura handietan elkarlanean arituko diren ustearekin irten dela. Catalak adirazi du oso bilera "produktiboa" izan dela, eta elkarlana eta koordinazioa indartuko dituztela. Gaur egungo "eszenatokia" zein den kontuan hartuta.
AHTari buruz Oregik esan du "oso erritmo onean" doala, eta obra zibila 2016rako amaitu dezaketela. Horrez gain, bideen estruktura egiteke egongo litzateke. Oregik adierazi du Espainiako Ministerioak jakinarazi diela "lehentasuna" duen obra bat izaten jarrraitzen duela eta "orain arteko erritmoa" mantenduko dutela.
Horrez gain, EAEko aireportuen inguruan hitz egin dute. Eusko Jaurlaritzak Loiu, Foronda eta Hondarribiako aireportuei buruz azterketa bat egiteko asmoa duela jakinarazi dio Espainiako Ministerioari. Eta Sustapen ministroari "egokia" iruditu zaiola adierazi du Oregik.
Espainiako Gobernuko Azpiegitura eta Planifikazio zuzendari Rafael Cataak adierazi du ez duela zentzurik bidaiariek eskatu gabe aireportuak zabalik mantentzeak; horregatik, Forondako aireportua bidaiariek behar dutenean zabalik edukitzeko aukera bilatzen saiatu direla esan du. "Eskaria dagoenean aireportua zabaltzen da", adierazi du Catalak.
