Gaur goizean aurkeztu du Hizkuntz Eskubideen Behatokiak "Maite ditugulako" dokumentala Iruñean, Golem Yamagutxi zineman. 30 pertsona inguruk ikusi dute estreinua; tartean, dokumentalean parte hartu duten bi gurasok.
Argi Rus eta Lurdes Mendibil gurasoek hartu dute hitza emanaldiaren amaieran. Esan dute haiek eta haien seme-alabak "bigarren mailako hiritar" sentitzen direla, euskaraz ikasi ahal izateko dituzten zailtasunengatik. Hortaz, haien hizkuntza eskubideak bermatzeko legea aldatzea galdegin diote Nafarroako Gobernuari.
