Egiptoko hainbat ekintzailek ostiralean Kontseilu Militarraren aurka manifestatzera deitzen ari dira, eta Tahrir plazan jende olde handia espero dute. Tahrir plaza Hosni Mubarak presidentearen aurkako protesten ikur izan zen, baina orain Larrialdi legea bertan behera utzi eta eskubide zibilak indarrean jartzeko eskatzeko bilduko dira egiptoarrak.
Militarrek hartu zuten Mubaraken lekukoa, baina herritarrek trantsizioa azkartzeko eskatzen dute. Larrialdi legea bertan behera geratu zen Mubarak erori ostean, baina orain dela aste batzuk indarrean jarri zuten berriro Kairo Israelgo enbaxada erasotu zutela aitzakia hartuz. AEBek lege hori bertan behera uztera deitu ditu militarrak.
Biharkoa izango da Mubarakek agintea utzi zuenetik mobilizaziorako lehen deialdi handia, baina azaroaren 28ko hauteskundeak aurrean, mobilizazioak handitzea espero da.
