Maradonak jaso du senda agiria

Diego Armando Maradona futbolari ohi ezagunari eman diote senda agiria, eta gauerdia baino zertxobait lehenago irten da Buenos Airesko Guemes erietxetik. Hepatitis akutu toxikoarekin ingresatu zuten martxoaren 28an; medikuen arabera, alkohol kontsumo handiak eragin zion. Litekeena da Suitzako klinika batera joatea, desintoxikazio terapia bat egitera.