Maria Asuncion Bitorika lehengo astean Yemenen atentatuan zauritutako amurriotarrari (Araba) buruan beste azterketa bat egin diote gaur Sanan, eta haren garunak "aktibitate txikia" duela esan dute medikuek.
"Hala ere, ezin dugu hartu garun heriotza gisa", adierazi du Mikel Burzako Eusko Jaurlaritzaren Kanpo Harremanetarako zuzendariak. Han da Burzako, Bitorikaren senideei laguntza ematen. Atzo yemendar medikuek, aldiz, euskal herritarrak "garun heriotza" daukala iritzi zioten.
Ahmed Al Ansi ospitalaren zuzendariak jakinarazi du azterketaren emaitzak Espainiako Estatura bidali dituztela, han ere azter ditzaten.
Atentatuan bederatzi lagun hil zituzten. Haien artean, bi zarauztar: Mikel Essery eta Maddi Alvarez.
Yemengo Barne ministroak esan du euren ustez Al Kaedak egin zuela erasoa.
Atentatua Yemenen
Maria Asuncion Bitorikaren garunak "aktibitate txikia" dauka
Gaur beste azterketa bat egin diote Yemenen.
Iruzkinak
Ez dago iruzkinik
Ordenatu
