Maria Oianguren Gernika Gogoratuz-en zuzendariak eta Nazioarteko Bake Brigadak Gobernuz Kanpoko Erakundeak (GKE) jasoko dute bihar Eusko Jaurlaritzak urtero antolatzen duen Giza Eskubideen Rene Casin saria. Antolatzaileen hitzetan, giza eskubideen defentsan bi eragile horiek eginiko lana baloratu dute irabazleak hautatzeko orduan. Saria banatzen du urtero Jaurlaritzak bakegintzaren alde lan egiten duten eragileen artean.
Maria Oianguren Gernika Gogoratuz-en alde eginiko lanagatik omenduko dute.Elkartea 1987an sortu zen Eusko Jaurlaritzak erabateko adostasunarekin hartutako erabakiz. Gernikako Bonbardaketaren 50. urteurrenetik eguneroko ekintzetan bakea elkarbizitzarako oinarri dela adierazteagatik izendatu dute saridun, nabarmendu dutenez.
Nazioarteko Bake Brigadak GKEa, berriz, indarkeriarik ezaren diziplinapean Mahatma Gandhiren eraldaketa sozial eredua bultzatzeagatik hautatu dute. Epaileen hitzetan, Kolonbiako, Guatemalako, Indonesiako eta Nepalgo gatazka tokietan zuzenean egindako lana baloratu dute bereziki. Bihar izango da sari banaketa. Idoia Mendia Justizia Sailburuaren eskutik 16.550 euro jasoko dituzte.
Maria Oiangurenek jasoko du Giza Eskubideen Rene Casin saria
Bakearen alde egindako lana aitortuko die sariak Nazioarteko Bake Brigada eta Gernika gogoratuz elkarteei
Iruzkinak
Ez dago iruzkinik
Ordenatu
