Garaipenak eskuratu zituzten atzo Realak eta Athleticek Superligako 18. jardunaldian. Athleticek 1-2 irabazi zion Espanyoli etxetik kanpo, eta Reala Atletico Madrilen aurka gailendu zen 3-2 Zubietan.
Zazpigarren garaipena lortu zuen jarraian atzo talde zuri-gorriak. Erikak eta Manu Lareok egin zituzten Bilbokoen golak, eta bigarren postuan jarraitzen dute sailkapenean. Sei puntura dute Bartzelona, liderra.
Realak, berriz, buelta eman zion markagailuari, Atletico Madril laugarren sailkatuaren aurka. 0-2 hasi ziren irabazten espainiarrak, lehen hogei minutuetan bi gol sartuta. Txuri-urdinek, berriz, bigarren zatian egin zituzten golak, Naiara Beristainen, Aintzane Encinasen Nahikari Garciaren bidez.
Zortzigarren postuan dira orain gipuzkoarrak, hogei puntu pilatuta.
