Markel Olanok ezker abertzalea legeztatzeko eskatu du, "bake prozesua indartzeko"

Markel Olano (EAJ) Gipuzkoako ahaldun nagusiak uste du "urrats positiboak" egin behar direla ETAk urtarrilaren 10ean su-eten iraunkor, orokor eta egiaztagarria eman ondoren, eta lehentasun gisa jarri du ezker abertzalearen alderdi politiko berriaren legeztatzea, "bake prozesua indartzeko". Legeztatzea da "eman beharko litzatekeen hurrengo pausoa".



"ETAk urratsa egin du, ezker abertzaleak bide politiko eta demokratiko hutsen aldeko apustua egin duen testuinguruan nahikoa ez den arren", esan du Olanok gaur, Radio Euskadin.

Ezker abertzalearen legeztatzeak "euskal politikagintzaren status quo-a aldatu" egingo luke, haren arabera, "hura hurrengo hauteskundeetan aurkeztuko litzatekeelako".