Donostiako Udalak eta Gipuzkoako Foru Aldundiak zirkulazioa arintzeko lotune berri baterako proiektua aurkeztu dute. GI-20 Donostiako saihesbidean egingo dute, Marrutxipin. Aldaketa horrekin, hobetu egin nahi dute Intxaurrondo, Egia eta Gros auzoetako sarbidea. Horrez gain, hiriko beste alde batzuetara bideratuko dute auzo horietara joaten den zirkulazioa.
Polloeko eta Intxaurrondoko tunelen artean kokatuko da lotunea, Etzieta eta Castelao parkeei erasan gabe. Bi saihesbide egingo dituzte galtzadaren azpian, baita biribilgune berri bat ere Sasiain zeharbidearen eta Mons pasealekuaren artean. 2020 hasieran ekingo diete lanei, eta estimazioen arabera, 7 milioi euroko kostua izango du.
Markel Olano Gipuzkoako ahaldun nagusiak adierazi du lotune berria erakitzean, zirkulazio jaitsiera nabarituko dela zenbait tokitan; hala nola, Karlos I.aren hiribidean, Loiolako erriberetan, Urumea pasealekuan, Garberako biribilgunean eta Otxoki pasealekuan. Eneko Goia Donostiako alkateak poza azaldu du proiektu berriarengatik: "Helburua konponbiderik onena bilatzea zen, eta emaitza bikaina lortu dugu".
