Martin Berasategiren jatetxean ere sartu dira lapurreta egitera
Azken asteotako antzeko zortzigarren lapurreta da; aurretik Arzaken eta Akelarren ere sartu dira lapurrak
Gipuzkoako ostalaritzan azken aldian izandako lapurretek ez dute etenik. Atzo goizaldean, Martin Berasategik Lasarte-Orian duen jatetxean sartu ziren lapurrak; ez zuten dirurik eraman, baina hainbat material ostu zuten, sukaldariak berak adierazi duenez. Azken asteotan horren antzeko hainbat lapurreta gertatu dira. Jatetxe oso ezagunetan sartu dira lapurreta egitera, besteak beste Arzaken, Akelarren, Saltxipin eta Belartzaran. Guztira, zortzi jatetxetan sartu dira. Ertzaintzak jakinarazi duenez, egileak identifikatu nahian dabiltza.
Iruzkinak
Ez dago iruzkinik
Ordenatu
